ڈاکٹر حسن محی الدین قادری کی یہ کتاب رفاقت کی اسلامی، تحریکی اور جماعتی اہمیت پر گہری روشنی ڈالتی ہے۔ یہ رفقاء کو فکری واضحیت اور عملی رہنمائی فراہم کرتی ہے اور مصطفوی معاشرے کے قیام کے لیے تحریکِ منہاج القرآن کو ایک نظریاتی ماڈل کے طور پر پیش کرتی ہے۔

اس کتاب میں شیخ الاسلام ڈاکٹر محمد طاہر القادری نے ناقدین اور منکرینِ تصوّف کے تمام اِعتراضات و اِشکالات کو حدیث، تفسیر، فقہ اور تصوّف کے ائمہ کی توضیحات اور فرمودات کی روشنی میں ردّ کیا ہے اور تصوّف کے معنوی اِستحقاقات کو مستند شواہد کی بنا پر واضح کیا ہے۔ اس کتاب کو پڑھنے کے بعد قاری اس نتیجے پر پہنچتا ہے کہ تصوّف کا منبع اور سرچشمہ کتاب و سنت ہے۔ اس کی اساس اور بنیاد میں کسی خارجی، غیر عربی یا غیر اسلامی کلچر اور فلسفے کا سرے سے کوئی دخل نہیں ہے۔ کتاب میں تصوّف میں دَر آنے والی غیر اِسلامی رسومات پر بحث کرتے ہوئے نام نہاد صوفیاء کی نشان دہی بھی کی گئی ہے تاکہ ان سے اپنا دین و ایمان بچایا جاسکے۔

شیخ الاسلام ڈاکٹر محمد طاہرالقادری کی یہ عظیم الشان تصنیف صرف ایک آیتِ مبارکہ کی شرح و تفسیر پر مشتمل ہے، جو 450 صفحات پر محیط ہے۔ کتاب میں عبادت، تعظیم، توسل، توکل اور استعانت سے متعلق غلط فہمیوں کا ازالہ کیا گیا ہے۔ عربی متن اور اُردو ترجمہ کے ساتھ یہ تفسیر نہ صرف علمی خزانہ ہے بلکہ ایک روحانی درس بھی ہے جو قاری کے دل میں اخلاص، محبت اور یقین کو بیدار کرتی ہے۔

پروفیسر ڈاکٹر حسین محی الدین قادری کی یہ تحقیقی تصنیف قرآن و سنت کی روشنی میں ’مال‘ کے اصولوں کو بیان کرتی ہے۔ کتاب میں کاغذی اور ورچوئل کرنسی کی شرعی حیثیت واضح کی گئی ہے۔ یہ طلبہ، محققین، شریعت و قانون کے اسکالرز اور اسلامی معاشیات کے سنجیدہ قارئین کے لیے قیمتی سرمایہ ہے۔

700 صفحات پر مشتمل یہ عربی تصنیف سورۃ الفاتحہ کی ایک منفرد اور عظیم تفسیر ہے جو لغوی، فنی، اعتقادی، فقہی، عرفانی، اخلاقی اور عصری پہلوؤں کا احاطہ کرتی ہے۔ اپنی روانی، برجستگی اور حسنِ نظم کے باعث یہ علمی شاہکار قاری کے عقل و شعور کو جلا بخشتا اور قلب و روح کو نورِ معرفت سے منور کرتا ہے۔