A lot of books on ‎Islamic finance are available in the market. However, this enlightening treatise by Dr Hussain Mohi-ud-Din Qadri provides an overview on the global landscape of Islamic Finance Education (IFE), highlights challenges facing the institutions and proposes remedial measures. Reflecting the author’s vision based on practical knowledge of the subject, the book is ‎a timely appearance and the first one on IFE, combining theoretical learning with practical experience. The writer has covered the topics with ‎authority and exactitude he has been known for. A must study for the students and teachers ‎alike, the policy makers should benefit this book especially in formulating a comprehensive syllabus for ‎Islamic Finance Education.

حضور نبی اکرم ﷺ کی ذات اَقدس کے ساتھ تعلقِ حُبی اُستوار کرنے کا ایک اہم ذریعہ نعت گوئی اور نعت خوانی ہے۔ اس سے آقا ﷺ کی ذاتِ اَقدس کے ساتھ مسلمان اپنا قلبی، عشقی، حبی اور ایمانی تعلق قائم کرتا ہے۔ اِس حوالے سے نعت خوانی مجرب، متحرک اور اَفضل ترین ذریعہ ہے۔ اس کتاب کی سب سے منفرد خصوصیت یہ ہے کہ اس میں پوری دنیا سے صرف تحریکی نعت گو شعراء کا کلام شامل کیا گیا ہے۔ اس کتاب کے ایک ادبی خوبی یہ بھی ہے کہ کتاب کا آغاز تحریک منہاج القرآن کے مؤسسِ اَوّل حضور شیخ الاسلام کے والد گرامی قدر حضرت فریدِ ملّت ڈاکٹر فرید الدین قادریؒ کے کلام سے کیا گیا ہے۔ لیکن یہ کلام۔۔۔ حضور شیخ الاسلام دامت برکاتہم العالیہ کے دستِ اَقدس سے تحریر کردہ ہے۔ اور یہ پہلی بار اِس طرح طبع ہوا ہے۔

ڈاکٹر حسین محی الدین قادری کی اِس نئی کتاب میں اِنسانی اَحوال کی اِصلاح اور رُوحانی تربیت اور ترقی کے لیے انتہائی شاندار مواد ترتیب دیا گیا ہے۔ نادِر معلومات کے ذخیرے پر مشتمل جدید پیرائے میں لکھی گئی منفرد تصنیف ہے۔ اِس کتاب میں بتایا گیا ہے کہ اِصلاحِ اَحوال کا بنیادی طریقہ کیا ہے؟ رُوح کو شیطانی حملوں اور نفس کے وسوسوں سے بچا کر رُوحانی تربیت اور ترقی کس طرح ممکن ہے؟ کیا حصولِ علم کے بغیر اِنسان دُنیوی یا رُوحانی ترقی کرسکتا ہے؟ اَعمال کی بجاآوری میں صدق و اِخلاص اور اِن کی قبولیت میں حسنِ نیت کا کیا کردار ہے؟

حدیثِ ضعیف پر اٹھنے والے تمام تر اعتراضات اور اِشکالات کو ائمہ حدیث وفقہائے اسلام کے اقوال اور ان کے اپنے طرزِ عمل سے رد کرنے والی یہ کتاب اپنے قاری کو یہ بتاتی ہے کہ محض کسی حدیث کے بارے میں لفظ ضعیف وارد ہو جانا اس بات کو مستلزم نہیں ہے کہ اب یہ حدیث قابلِ اِستفادہ و احتجاج ہی نہیں رہی۔ شیخ الاسلام ڈاکٹر محمد طاہرالقادری نے اپنی اس تصنیف میں علمی تاریخ کے ہر دور سے شواہد جمع کرتے ہوئے یہ بات establish فرما دی ہے کہ حدیثِ ضعیف ائمہ حدیث و فقہاء کے ہاں فضا ئلِ اَعمال، ترغیب و ترہیب، قصص اور مغازی وغیرہ میں تو مقبول ہے ہی؛ مگر اس سے بڑھ کر وہ محض قیاس پر ہمیشہ حدیثِ ضعیف کو ہی ترجیح دیتے رہے ہیں۔ یہی وجہ ہے کہ تمام محدثین، بشمول امام بخاری کے، کسی باب میں حدیثِ صحیح کی عدم موجودگی میں حدیثِ ضعیف کو بطور استشہاد ذکر کرتے رہے ہیں۔

اِس کتاب میں عقیدۂ رسالت سے متعلقہ تمام مباحث پر کافی مواد دیا گیا ہے اور دقیق نکات کو عام فہم، آسان، مختصر مگر جامع پیرائے میں پیش کیا گیا ہے۔