اس کتاب میں شیخ الاسلام ڈاکٹر محمد طاہر القادری نے ناقدین اور منکرینِ تصوّف کے تمام اِعتراضات و اِشکالات کو حدیث، تفسیر، فقہ اور تصوّف کے ائمہ کی توضیحات اور فرمودات کی روشنی میں ردّ کیا ہے اور تصوّف کے معنوی اِستحقاقات کو مستند شواہد کی بنا پر واضح کیا ہے۔ اس کتاب کو پڑھنے کے بعد قاری اس نتیجے پر پہنچتا ہے کہ تصوّف کا منبع اور سرچشمہ کتاب و سنت ہے۔ اس کی اساس اور بنیاد میں کسی خارجی، غیر عربی یا غیر اسلامی کلچر اور فلسفے کا سرے سے کوئی دخل نہیں ہے۔ کتاب میں تصوّف میں دَر آنے والی غیر اِسلامی رسومات پر بحث کرتے ہوئے نام نہاد صوفیاء کی نشان دہی بھی کی گئی ہے تاکہ ان سے اپنا دین و ایمان بچایا جاسکے۔

700 صفحات پر مشتمل یہ عربی تصنیف سورۃ الفاتحہ کی ایک منفرد اور عظیم تفسیر ہے جو لغوی، فنی، اعتقادی، فقہی، عرفانی، اخلاقی اور عصری پہلوؤں کا احاطہ کرتی ہے۔ اپنی روانی، برجستگی اور حسنِ نظم کے باعث یہ علمی شاہکار قاری کے عقل و شعور کو جلا بخشتا اور قلب و روح کو نورِ معرفت سے منور کرتا ہے۔

اس کتاب کو 16 اَبواب میں تقسیم کیا گیا ہے۔ حضور نبی اکرم ﷺ کی سیرت مقدسہ، اُسوۂ حسنہ اور اَخلاقِ عظیمہ کے حسین تذکرہ کے ساتھ ساتھ والدین، اولاد، زوجین، بہن بھائیوں، رشتہ داروں، ہمسایوں، عام مسلمانوں، غیر مسلموں حتی کے جانوروں کے ساتھ حسنِ اَخلاق سے پیش آنے کو آیات و احادیث اور آثار و اقوال کی روشنی میں بیان کیا گیا ہے۔

As global economic challenges, inequalities, and debt burden continue to plague developing nations, Beyond IMF presents a compelling solution through Islamic financial principles. This insightful book offers a transformative approach to achieve economic independence and prosperity for the Muslim world. It draws upon historical concepts like Mu’akhat and explores modern financial tools such as Waqf (endowments) and Zakat to create sustainable financial structures.

پروفیسر ڈاکٹر حسین محی الدین قادری کی یہ تحقیقی تصنیف قرآن و سنت کی روشنی میں ’مال‘ کے اصولوں کو بیان کرتی ہے۔ کتاب میں کاغذی اور ورچوئل کرنسی کی شرعی حیثیت واضح کی گئی ہے۔ یہ طلبہ، محققین، شریعت و قانون کے اسکالرز اور اسلامی معاشیات کے سنجیدہ قارئین کے لیے قیمتی سرمایہ ہے۔