شیخ الاسلام ڈاکٹر محمد طاہرالقادری کی یہ کتاب محض حدیث صحیح پر مشتمل جملہ مباحث کو اپنے اندر ایسے سمیٹے ہوئے ہے کہ ہمیں یہ کہنے میں ذرا تامل نہیں کہ یہ نادر کتاب حدیثِ صحیح کی معرفت پر ایک مستقل انسائیکلوپیڈیا کی حیثیت اختیار کیے ہوئے ہے۔ اہل علم پر اس کتاب کے مطالعہ کے بعد یہ بخوبی واضح ہو جائے گا کہ محض حدیثِ صحیح پر یہ اپنی نوع کی ایسی واحد ویکتا کتاب ہے جس کی نظیر عرب وعجم میں کم ہی نظر آئے گی۔

انسان کے تمام معاشی مسائل کا حل اسلامی نظامِ معیشت میں موجود ہے۔ لیکن عہدِ حاضر میں ایک اَہم مسئلہ اسلامی معیشت کی تشکیلِ جدید ہے۔ ضرورت اس امر کی ہے کہ اِسلامی اِقتصادیات کو نئی مصطلحات کا جامہ زیب کروا کر جدید ذہن کے سامنے پیش کیا جائے تاکہ قدیم و جدید میں پائی جانے والی دوئی اور duality کو ختم کیا جاسکے۔ شیخ الاسلام ڈاکٹر محمد طاہرالقادری کی 540 صفحات پر مشتمل اِس کتاب میں اِنہی سوالات کا کافی و شافی جواب دیا گیا ہے۔

آج سے کچھ دہائیاں قبل جب بد اعتقادی کی بد لگام آندھیاں ہر سُو دندنا رہی تھیں۔ اس تاریک ماحول اور مکدّر فضا میں قوتِ ایمانی کمزور پڑ رہی تھی، قلبی کیفیات مسمار ہو رہیں تھیں اور اَذہان و قلوب کے آتش دانوں میں عشق و محبت کی حدت ٹھنڈی پڑ رہی تھی۔ بحمد اللہ! مالکِ دو جہاں نے ان حالات میں تحریکِ منہاج القرآن کو منتخب کیا اور آقا ﷺ کے مبارک نعلین کی خیرات عطا کرتے ہوئے اِسے رواں صدی کی رسول نما تحریک بنا دیا۔ اِس تحریک نے اُمت کو سوئے کوئے رسول گامزن کر دیا۔