یہ کتاب سیرت و فضائل نبوی ﷺکا ایک مختصر تذکرہ جس کا ایک ایک لفظ آبِ زم زم سے وضو کر کے حضور ﷺ کی بارگاہِ بےکس پناہ میں دست بستہ کھڑا دکھائی دیتا ہے، شیخ الاسلام ڈاکٹر محمد طاہرالقادری نے فضائل نبوی، خصائص نبوی اور شمائل نبوی ﷺ کو اطاعت و اتباع رسول ﷺ کے تصور کے ساتھ یکجا کر کے مضمونِ مذکورہ کو سپردِ قلم کیا، دل میں اتر جانے والا دلکش اسلوب، عام فہم اندازِ تحریر، بیانیہ طرزِ استدلال کتاب کو وصفِ انفرادیت سے ہمکنار کرتا ہے۔

تغیر زمان سے اجتہادی احکام میں رعایت اور تبدیلی کے موضوع پر شیخ الاسلام ڈاکٹر محمد طاہرالقادری نے اسلام کے بنیادی مصادر اور منابع سے ضروری دلائل اور نظائر اس کتاب میں جمع کیے ہیں تاکہ بدلتے ہوئے حالات میں قانون کی تبدیلی کے باب میں قرآن و حدیث، آثارِ صحابہ، اَقوالِ تابعین و تبع تابعین اور مجتہدینِ اُمت کی آراء سے اِجتہادی طریق پر استفادہ کیا جا سکے۔