islamic books minhajbooks.com islamic books minhajbooks.com minhajbooks.com minhajbooks.com minhajbooks.com
 Islamic Books minhajbooks.com
Home Islamic Books About us English Books Arabic Books Download Books Text format Books Contact Us Images format Books Buy Books at www.Minhaj.biz Urdu Books
Do you want more & more books to download for FREE? We need your help, it will be a great sadqa e jariah. Click for details...
Home
Complete Index
New Printed
New Online
New in Text
New in Images
Top Read
Top Downloads
Shaykh-ul-Islam
Asanid/ Ijazat
Farid-e-Millat
Dr Hassan Qadri
Dr Hussain Qadri
Online Sponsors
Curriculum
The Quran
The Hadith
Science of Faith
Science of Beliefs
The Prophet's life
Finality
Jurisprudence
Morality
Religious Litanies
Economics
Ideologies
Constitutions
Celebrities
Islam & Science
Human Rights
Islamic Teachings
English Books
Farid-e-Millat
Dr Hassan Qadri
Dr Hussain Qadri
MISc
minhajbooks.com Related
Arba‘in: Virtues of the Holy Prophet (PBUH)
Arba‘in: Holy Names of the Messengeri (PBUH)
Arba‘in: The Bestowing Mercy of the Beloved Messenger (PBUH)
Arba‘in: The Companions’ Rapturous Love for the Beloved Messenger
Arba‘in: The Faith-Inspiring Incidents of the Companions l in Obedience to the Prophet (PBUH)
Arba‘in: Excellence of Greetings and Salutations on the Holy Prophet (PBUH)
Arba‘in: Milad al-Nabi (PBUH): Ahadith ki Rawshani main
Arba‘in: Sahaba Karam (R.A.) ke Na‘tiya Kalam Se Intikhab
Arba‘in: Sayyiduna Hassan b. Thabit ka Na‘tiya Kalam



Islamic Library - Arbainat: Fazail e Nabawi > Arba‘in: Virtues of the Holy Prophet (PBUH) >

Arba‘in: Virtues of the Holy Prophet (PBUH)

Click here to sponsor online version of this book.      

تعارف اربعین

اَربعین کا لفظی معنی ’’چالیس‘‘ ہے۔ اِصطلاحِ محدثین میں اِس سے مراد چالیس اَحادیث کا مجموعہ ہے۔ حدیثِ مبارکہ میں چالیس احادیث اُمت تک پہنچانے کی بہت فضیلت بیان کی گئی ہے اور بتایا گیا ہے کہ ایسا شخص قیامت کے دن فقہاء و شہداء کے زمرے میں اٹھایا جائے گا، حضور نبی اکرم صلی اللہ علیہ وآلہ وسلم اس کی شفاعت فرمائیں گے اور اس کے حق میں گواہی دیں گے؛ نیز دنیا میں اسے یہ اعزاز نصیب ہوگا کہ اس کا نام طبقہ علماء میں شامل کر لیا جائے گا۔

حضرت ابو ہریرہ رضی اللہ عنہ سے مروی ہے کہ حضور نبی اکرم صلی اللہ علیہ وآلہ وسلم نے فرمایا:

مَنْ حَفِظَ عَلَی أُمَّتِي أَرْبَعِیْنَ حَدِیْثًا فِیْمَا یَنْفَعُهُمْ مِنْ أَمْرِ دِیْنِهِمْ، بَعَثَهُ ﷲُ یَوْمَ الْقِیَامَةِ مِنَ الْعُلَمَاءِ، وَفَضْلُ الْعَالِمِ عَلَی الْعَابِدِ سَبْعِیْنَ دَرَجَةً، اَللهُ أَعْلَمُ بِمَا بَیْنَ کُلِّ دَرَجَتِیْنِ.

أخرجه البیهقي في شعب الإیمان، 2/ 270، الرقم: 1725

’’جس شخص نے میری اُمت (کے اَفراد) کے لئے چالیس ایسی احادیث کو محفوظ کیا جو انہیں ان کے دین کے معاملہ میں نفع پہنچائیں، تو اللہ تعالیٰ اسے روزِ قیامت علماء کے درجہ میں اٹھائے گا، اور عالم کی عابد پر ستر درجے فضیلت ہے، اور اللہ ہی بہتر جانتا ہے کے ہر دو درجوں میں کتنا فاصلہ ہے۔‘‘

حضرت ابو درداء رضی اللہ عنہ سے مروی ایک اور حدیث مبارکہ میں ہے کہ جب آپ صلی اللہ علیہ وآلہ وسلم سے علم کی اُس حد کے بارے پوچھا گیا کہ جس کے حصول کے بعد کوئی شخص فقیہ بن جاتا ہے تو آپ صلی اللہ علیہ وآلہ وسلم نے ارشاد فرمایا:

مَنْ حَفِظَ عَلَی أُمَّتِي أَرْبَعِیْنَ حَدِیْثًا مِنْ أَمْرِ دِیْنِهَا، بَعَثَهُ ﷲُ فَقِیْهًا، وَکُنْتُ لَهُ یَوْمَ الْقِیَامَةِ شَافِعًا وَشَهِیْدًا.

أخرجه البیهقي في شعب الإیمان، 2/ 270، الرقم: 1726

’’جس شخص نے میری امت کے لئے چالیس ایسی احادیث کو محفوظ کیا جن کا تعلق ان کے دین کے معاملہ سے ہو تو اللہ تعالیٰ اسے روزِ قیامت فقیہ کے درجہ میں اٹھائے گا، اور روزِ قیامت میں اس کی شفاعت کرنے والا اور اس کے حق میں گواہی دینے والا ہوں گا۔‘‘

اَحادیثِ مبارکہ کے مبلغ کے لیے رحمتِ عالم صلی اللہ علیہ وآلہ وسلم نے خصوصی دعا بھی فرمائی ہے۔ ظاہر ہے کہ آپ صلی اللہ علیہ وآلہ وسلم کے محبوب و مبارک اور حسین ہونٹوں سے نکلے ہوئے الفاظ و کلماتِ دُعا کے رد ہونے کا سوال ہی پیدا نہیں ہوتا۔ شانِ کریمی محبوب صلی اللہ علیہ وآلہ وسلم کی ہر بات قبول فرماتی ہے، اس لیے یہ دعا بھی کسی شک و شبہ کے بغیر قبول ہے اور مبلغِ حدیث کو واقعتاً یہ عزت نصیب ہوتی ہے اور وہ اپنی زندگی میں اس کے اثرات و ثمرات اور اس کی برکات واضح طور پر محسوس کرتا ہے۔

مذکورہ حدیث پاک اس طرح ہے:

نَضَّرَ ﷲُ امْرَاّ سَمِعَ مَقَالَتِي، فَوَعَاهَا وَحَفِظَهَا وَبَلَّغَهَا.

أخرجه الترمذي في السنن، کتاب العلم، باب ما جاء في الحث علی تبلیغ السماع، 5/ 134، الرقم: 2658

’’اللہ تعالیٰ اُس مردِ مومن کو رونق و تازگی اور حسن و خوبی عطا فرمائے جس نے میری حدیث سنی، پھر اسے یاد رکھا اور بعینہٖ اُسے آگے پہنچایا۔‘‘

آپ صلی اللہ علیہ وآلہ وسلم نے مبلغِ حدیث کے لیے یہ حسین دعا ہی نہیں فرمائی بلکہ اس کی تبلیغ اور حدیث آگے پہنچانے کا حکم بھی دیا ہے۔ چنانچہ آپ صلی اللہ علیہ وآلہ وسلم کا ارشاد گرامی ہے:

فَلْیُبَلِّغِ الشَّاهِدُ الْغَائِبَ.

أخرجه البخاري في الصحیح، کتاب الحج، باب الخطبة أیام منی، 2/ 619، 620، الرقم: 1652، 1654، ومسلم في الصحیح، کتاب القسامة والمحاربین والقصاص والدیات، باب تغلیظ تحریم الدماء والأعراض والأحوال، 3/ 1306، الرقم: 1679

’’پس حاضر شخص (جو حدیث سنے) غیر حاضر لوگوں تک پہنچا دے۔‘‘

حضور نبی اکرم صلی اللہ علیہ وآلہ وسلم کے اس واضح حکم او ر تبلیغِ حدیث کی فضیلت اور اس سے حاصل ہونے والے دنیوی و اخروی فیوض و برکات نیز حضور نبی اکرم صلی اللہ علیہ وآلہ وسلم کی مبارک دعا کا مصداق بننے کے لیے امت کے اہلِ علم نے ہر دور میں اس طرف خصوصی توجہ دی ہے، اور اپنے اپنے ذوق کے مطابق چالیس احادیث کے مختلف مجموعے منتخب کرکے شائع کیے ہیں۔ چنانچہ کسی صاحبِ ذوق نے ایسی احادیث کو لیا ہے جن میں دین کے اصول بیان کیے گئے ہیں اور کسی دل والے نے راہِ خدا میں قربان ہونے کے پاکیزہ جذبے سے سرشار موضوعِ جہاد کو ترجیح دی ہے۔ کسی نے اپنے طبع و مزاج کے مطابق احادیثِ زہد کا انتخاب کیا ہے اور کسی نے آداب و خطبات کو اہم اور افرادِ امت کے لیے زیادہ ضروری گردانا ہے۔ غرض ذوقِ نظر، وجدان، طبع و مزاج اور حسنِ انتخاب کی ایک متنوع دنیا آباد ہے جس سے اربعینات کے مؤلفین کے رجحانِ طبع کا بھی پتہ چلتا ہے اور ان کے دور کی ضرورت کا بھی۔

اللہ تعالیٰ نے شیخ الااسلام ڈاکٹر محمد طاہر القادری مد ظلہ العالی کو دو خصوصی نور عطا فرمائے ہیں۔ ایک نور اس عشق سے پیدا ہواہے جو انہیں اللہ تعالیٰ کے حبیب حضور نبی اکرم صلی اللہ علیہ وآلہ وسلم کی ذاتِ پاک کے ساتھ ہے۔ اس عشق کی تجلیات ان کے اقوال و اعمال، خطبات و ارشادات، جسم و روح اور چہرے مہرے کا ہالہ بنی رہتی ہیں اور محبت والے قدم قدم پر اس کا مشاہدہ کرتے رہتے ہیں۔ دوسرا نور جذبۂ محبت و خیر خواہی سے عبارت ہے جو وہ حضور صلی اللہ علیہ وآلہ وسلم کی امت کے لیے اپنے دل میں موجود پاتے ہیں۔ قدرت نے اس محبت سے آپ کو حصہ وافر عطا فرمایا ہے۔ ایسا محسوس ہوتا ہے کہ وہ یہ بے پناہ تڑپ رکھتے ہیں کہ شام ہونے سے پہلے پہلے حضور نبی اکرم صلی اللہ علیہ وآلہ وسلم کی اُمت دنیوی اور اُخروی معراج تک جاپہنچے اور صبح ہونے سے پہلے پہلے وہ تمام بھلائیاں، رحمتیں، سعادتیں اور برکتیں حاصل کرلے جو دنیا اور آخرت کو گھیرے ہوئے ہیں۔

یہی وجہ ہے کہ کہ جب دیگر اہلِ علم کی اقتداء میں حصولِ فیض و برکت کے لیے آپ نے چالیس احادیث کا ایک حسین مجموعہ منتخب کرنے کا ارادہ فرمایا تو کسی اور چیز کو موضوع بنانے کی بجائے اپنے طبع و مزاج کے مطابق اسی عشق اور تعلقِ خاطر کو موضوع بنایا جو آپ کو حضور اکرم صلی اللہ علیہ وآلہ وسلم کی ذاتِ اقدس کے ساتھ تھا۔ چنانچہ ایسی احادیث کا انتخاب فرمایا جن میں حضورنبی اکرم صلی اللہ علیہ وآلہ وسلم کے ظاہری و باطنی شخصی کمالات و امتیازات اورجمیع خلائق پر فضیلت و برتری کا بیان تھا۔

جمال و کمال ظاہری ہویا باطنی، صاحبِ کمال کی توقیر و عظمت دل میں پیدا کر دیتا ہے اور اس کے ساتھ نسبت و تعلق سے انسان غیر شعوری طور پر اپنے اندر یک گونہ افتخار اور احساس برتری محسوس کرنے لگ جاتا ہے اور خود کو تنہا اور بے یار و مددگار محسوس نہیں کرتا اور خوش ہوتاہے کہ ایسی عظیم ہستی کے ساتھ اس کی نسبتِ غلامی اور تعلقِ روحانی قائم ہے جو خدا کو ہر شے سے زیادہ محبوب ہے۔

یہ مجموعہ حضرت شیخ الاسلام مدظلہ نے آج سے تقریبا 39 سال قبل (1972ء میں) جھنگ میں اپنی رہائش گاہ کے قریب واقع مسجد پرانی عیدگاہ میں دورانِ اعتکاف مرتب کیا۔ یہ اس زمانے کی بات ہے جب آپ پنجاب یونی ورسٹی میں ایم۔ اے علومِ اسلامیہ کے طالب علم تھے اور ہر سال مذکورہ مسجد میں اِعتکاف بیٹھتے تھے۔

اس ایمان افروز مجموعۂ احادیث کے متعلق یہ بات خاصی دل چسپ اور اہم ہے کہ جب آپ نے اکیسویں فصل مکمل کی تو خواب میں آقاے دوجہاں صلی اللہ علیہ وآلہ وسلم کی زیارت نصیب ہوئی۔ آپ نے خواب میں دیکھا کہ حضور نبی اکرم صلی اللہ علیہ وآلہ وسلم نے آپ کو اذان اور نمازِ جمعہ کی اِمامت کی اجازت مرحمت فرمائی۔ یہ اس مجموعہ کی قبولیت کی طرف واضح اشارہ تھا۔ اوائلِ جوانی میں علمی شغف اور طبعی ذوق کا یہ رجحان دیکھ کر رشک آتا ہے اور یہ حقیقت واضح ہوتی ہے کہ واقعی اللہ تعالیٰ نے آپ کو بچپن ہی میںعشقِ رسول صلی اللہ علیہ وآلہ وسلم جیسی لازوال دولت سے سے نواز دیا تھا اور اسی وقت سے ہی آپ کی طبیعت میں یہ احساس موجود ہے کہ پوری اُمتِ مسلمہ کو حضور نبی اکرم صلی اللہ علیہ وآلہ وسلم سے محبت جیسی سعادت نعمت سے آشنا کروانا وقت کی اہم ایمانی ضرورت ہے۔ حضور نبی اکرم صلی اللہ علیہ وآلہ وسلم کے ساتھ محبت کا یہی انداز آج بھی ان کی کل کائنات ہے۔۔

حضرت شیخ الاسلام ڈاکٹر محمد طاہر القادری مدظلہ کا مقصودِ نظریہی نسبتِ غلامی پیدا کرنا ہے تاکہ اُمت کا ٹوٹا ہوا رشتہ پوری قوت کے ساتھ جڑ جائے اور اپنے نبی اکرم صلی اللہ علیہ وآلہ وسلم کے کمالاتِ معنوی اور جمالِ ظاہری سے آشنا ہو کر امت کا ہر فرد اسی احساس سے سرشار ہو جائے کہ وہ ایک بے مثل عظیم اورباکمال نبی کا امتی ہے نہ کہ کوئی گری پڑی چیز کہ کوئی اس کا پر سان حال نہ ہو۔

حضرت شیخ الاسلام مدظلہ نے اِس مجموعے میں چالیس احادیث کی بجائے چالیس فصول پر مشتمل 105 احادیث جمع کر کے ایک اور منفرد کام کیا ہے۔ یوں چالیس احادیث کے فضیلت والے فرمانِ نبوی صلی اللہ علیہ وآلہ وسلم کی روح کو بھی برقرار رکھا گیاہے اور امت کے فائدہ کے لئے موضوع سے متعلق اَحادیث کا زیادہ مواد بھی فراہم کیا گیا ہے۔ یہ اَحادیث پڑھیں اور اپنا ایمان تازہ کریں۔ آپ فیصلہ دیں گے کہ حضرت شیخ الاسلام مدظلہ العالی نے یہ احادیث منتخب کرکے جہاں عشق و محبت اور حسنِ انتخاب کا ثبوت دیا ہے وہاں امت پرکتنا اِحسانِ عظیم فرمایا ہے۔

((محمدمعراج الاسلام)

شیخ الحدیث، منہا ج یونی ورسٹی لاہور


Next >> نوشتہ
تفصیلی فہرست << Back

minhajbooks.com minhajbooks.com
Search Books
اردو English
Online Sponsors

Brief Contents Brief Contents  
سرورق
تفصیلی فہرست
تعارف اربعین
نوشتہ
فصل اول
فصل دوم
فصل سوم
فصل چہارم
فصل پنجم
فصل ششم
فصل ہفتم
فصل ہشتم
فصل نہم
فصل دہم
فصل یازدہم
فصل دوازدہم
فصل سیزدہم
فصل چہاردہم
فصل پانزدہم
فصل شانزدہم
فصل ہفدہم
فصل ہیجدہم
فصل نوزدہم
فصل بیست
فصل بیست و یک
فصل بیست و دو
فصل بیست و سہ
فصل بیست و چہار
فصل بیست و پنج
فصل بیست و شش
فصل بیست و ہفت
فصل بیست و ہشت
فصل بیست و نہ
فصل سی
فصل سی و یک
فصل سی و دو
فصل سی و سہ
فصل سی و چہار
فصل سی و پنج
فصل سی و شش
فصل سی و ہفت
فصل سی و نہ
فصل چہل
فصل چہل و یک
مصادر التخریج
Arba‘in: Virtues of the Holy Prophet (PBUH)
 Minhaj-ul-Quran International in Cyber Space
Minhaj-ul-Quran International | Minhaj Welfare Foundation | Minhaj-ul-Quran Women League | Minhaj Overseas | Muslim Christian Dialogue Forum (MCDF) | Gosha-e-Durood | Itikaf City | Irfan-ul-Quran | Islamic Multimedia | Islamic Library | Monthly Minhaj-ul-Quran | Monthly Dukhtran-e-Islam | Minhaj Encyclopedia (Urdu) |
Copyright © 1999 - 2019 Minhaj-ul-Quran International. All rights reserved.